وفى يوم كنا فيه فى القطر ومسافرين اسوان ....وفجر كان وقتها عنده سنه ونص بالظبط ....كان بيلعب وبيعمل دوشه كان فيه انسه جميله كده قاعده ورانا عماله تلاعبه وبعدين الموضوع اتطور وقالتله تعالى ...تعالى اقعد معايا ...فراحلها بطريقته ....اللى انا شفتها قبل كده كذا مره ...اتسند على الكراسى وراحلها ...بعد شويه لقيتها بتندهلى ...عايزاكى ثانيه ممكن ...قلتلها اتفضلى ...قومت كريم من جنبى وخليته خد فجر وقعدت هى جنبى ...وباصتلى وقالتلى ...هو انتى ابنك اتولد بدرى ...قلتلها اه ...طيب دخل حضانه ...قلتلها اه ...ليه بتسألى هو فيه حاجه!! ....قالتلى لا لا بفهم منك اصل جسمه قليل اوى هو عنده اد ايه ...قلتلها سنه ونص ....برءت كده وقالتلى سنه ونص ومش بيمشى ...ليه ...فابتديت بقى ابقى رخمه وقلتلها والله معرفش كله بيجى مع الوقت ...هو لسه صغير اوى ..لقيتها بتطلعلى كارنيه وبتقولى انا دكتوره هاله ..ممارسة علاج طبيعى بأسوان واشتغلت فتره فى مركز دكتور كمال شكرى فى القاهره ..تسمعى عن العلاج الطبيعى ..قلتلها يوووه انا عملت يجى ١٥ جلسه ..قالتلى ليه ...حكيتلها على رحلتى مع ضهرى ورجلى ....وبقينا صحاب وعملتلى بروجرام زيارات لاسوان وخدت رقمى واديتنى رقمها ...وفضلنا طول الرحله تقريبا بنتقابل وقابلنا أهلها وصحابها ..وقبل ما نرجع القاهره ...اديتنى رقم وعنوان مركز علاج طبيعى للاطفال للدكتور كمال شكرى ...وقالتلى لازم تروحى بفجر ....قلتلها ليه ....قالتلى لازم تروحى وهناك هتفهمى ....اوعدينى تروحى اول ما ترجعى القاهره وتطمنينى ...قلتلها حاضر..
...يتبع....